Tá 16 duine le teacht os comhair cúirteanna i mBaile Átha Cliath ar maidin, agus iad cúisithe i ndáil le buirgléireacht agus coireanna gaolmhara.
Ghabh Gardaí sa Chúlóg agus i Ráth Eanaigh an 13 fear, lena n-áirítear buachaillí sna déaga agus triúr ban ar díríodh orthu mar chuid d’Oibríocht Thor, a bunaíodh chun dul i ngleic le dronganna buirgléireachta eagraithe.
Tá siad idir 14 agus 55 bliain d’aois agus tá siad cúisithe i 62 cion, lena n-áirítear buirgléireacht, goid, damáiste coiriúil, robáil agus goid carranna.
Tá siad le feiceáil os comhair cúig chúirt dúiche i mBaile Átha Cliath inniu lena n-áirítear Cnoc Seimre, Sord, Baile Brigín, Cúirt na Leanaí agus na Cúirteanna Breithiúnais Coiriúla
