Bronnadh Brat Gorm do 2024 ar nócha ceathair trá agus muiríne ar fud na hÉireann.
Tá an bhratach ghorm ar cheann de na gradaim is aitheanta agus is mó le rá san éiceathurasóireacht ar fud an domhain.
Tá na gradaim deartha chun sárleibhéil cháilíochta uisce, soláthar faisnéise, oideachas comhshaoil, sábháilteacht agus bainistíocht trá le linn an tséasúir snámha a léiriú.
Tá Brat Gorm bronnta ar Thrá Bhaile an Bhiataigh i gCo na Mí don chéad uair le 28 bliain.
Bhí baint mhór ag Grúpa Bailte Slachtmhara Bhaile an Bhiataigh, a bunaíodh seacht mbliana ó shin, le caighdeáin na trá a ardú chomh maith le hionchur ó scoileanna áitiúla, Youth Reach agus criú talún ó Chomhairle Contae na Mí.
Tá Stádas Brat Gorm bainte amach ag trá Inis Crabhann i gCo. Shligigh i mbliana ón gcéad uair ó 2014 freisin.
Cé gur ghnóthaigh Trá Tracht i gCinn Mhara i gCo na Gaillimhe stádas an Bhrait Ghoirm i mbliana don chéad uair riamh.
Choinnigh 82 as na 85 trá a bronnadh in 2023 a mbrat gorm do shéasúr snámha 2024.
Is iad na trí thrá ar theip orthu a mbrat gorm a choinneáil do 2024 ná Trá Theas an Rois i mBaile Átha Cliath, Trá Thuaidh Bhaile Uí Mhaonaigh i Loch Garman agus Trá Mhór i bPort Láirge.
Tuilleadh le leanúint
