Tá tairiscintí coláiste faighte ag díreach os cionn 2,500 iarratasóir tríú leibhéal ag am lóin seo sa dara babhta den CAO.
Ina measc tá 1,009 a fuair tairiscint den chéad uair.
Is iarrthóirí leibhéal 8 iad 1,050 a fuair tairiscint dá gcúrsa céad rogha inniu.
Tá go dtí 3pm Dé Céadaoin acu siúd a fuair tairiscint sa bhabhta seo chun glacadh leis.
Tá comhairle tugtha ag Ceannaire Cumarsáide an CAO, Eileen Keleghan, d’iarratasóirí a gcuid roghanna a mheas go cúramach.
“D’fhéadfadh go mbeadh go leor de na hiarratasóirí atá ag fáil tairiscint dara babhta inniu tar éis glacadh le tairiscint i mBabhta a hAon cheana féin, agus tá sé tábhachtach go nglacfaidh siad an t-am le cinneadh a dhéanamh idir na cúrsaí seo agus go gcuirfidh siad an CAO ar an eolas roimh an dáta freagartha Dé Céadaoin seo, 11 Meán Fómhair, ag 3pm más mian leo glacadh leis an tairiscint nua”, a dúirt sí.
Má ghlactar leis an tairiscint nua cuirfear glacadh roimhe seo ar ceal go huathoibríoch.
Mura bhfuil mac léinn ag iarraidh glacadh le tairiscint a dhéantar sa bhabhta seo moltar dó gan ach rud ar bith a dhéanamh, agus seasfaidh aon ghlacadh le cúrsa a rinne siad roimhe seo.
Is féidir le hiarratasóirí seiceáil an bhfuil tairiscint Bhabhta a Dó faighte acu trí logáil isteach ina gcuntas CAO ag baint úsáide as an áis 'M'Iarratas orm' ó 2pm. Gheobhaidh iarratasóirí rathúla fógra tairisceana freisin trí ríomhphost agus teachtaireacht téacs SMS má tá an rogha seo roghnaithe acu.
