Tá fear dlite sa chúirt tráthnóna inniu i leith fuadach cairr i gcathair Bhaile Átha Cliath Dé Luain seo caite, ina raibh cailín beag cúig mhí d'aois sa suíochán cúil.
Gabhadh an fear, atá ina 40idí, Dé Máirt.
Tá sé le bheith os comhair na gCúirteanna Breithiúnais Coiriúla thart ar 4.30pm.
Fuarthas an cailín leanbh i gcúl an Nissan Qashqui ar Chearnóg Mhuinseo slán sábháilte dhá uair an chloig tar éis don charr a bheith tógtha.
Bhí a máthair díreach tar éis éirí as an gcarr nuair a léim fear isteach agus thiomáin leis an leanbh ag thart ar 1.50pm.
Ní raibh aithne ag an leanbh ná ag a teaghlach ar an bhfear.
Cuireadh oibríocht chuardaigh ollmhór ar bun, lena n-áirítear héileacaptar an Gharda Síochána, agus díreach roimh 4.30pm, d'fhógair Gardaí go bhfuarthas an leanbh slán sábháilte.
