De réir figiúirí nua atá eisithe ag an bPríomh-Oifig Staidrimh (CSO), déanann tromlach na bpríosúnach óg athchiontú laistigh de thrí bliana ó scaoileadh saor ón bpríosún iad.
Léiríonn na staitisticí athchiontaithe príosúin is déanaí go dtagann laghdú ar an athchiontú le haois, agus cé gur athchiontaigh 84% de dhaoine fásta óga faoi 21 laistigh de thrí bliana, d’athchiontaigh níos lú ná aon trian (31%) de dhaoine 50 bliain d’aois sa tréimhse chéanna.
Bhí seisear as gach deichniúr a scaoileadh saor ó phianbhreith príosúin in 2018 tar éis cion a dhéanamh arís faoi 2021.
Bhí 42% díobh siúd a scaoileadh saor ón bpríosún in 2021 tar éis cion a dhéanamh arís laistigh de bhliain.
Ba mhó seans go ndéanfadh buirgléirí (61%), robálaithe (57%) agus iad siúd a ciontaíodh i gcionta oird phoiblí (58%) tuilleadh coireanna.
Bhí leath díobh siúd a scaoileadh saor ón bpríosún in 2021 ina gcónaí i Lár na Tíre, Laoise, Longfoirt, Uíbh Fhailí agus na hIarmhí agus athchiontaigh iad laistigh de bhliain ó scaoileadh saor, agus i gcás iad siúd a bhí ina gcónaí i gCill Dara, Lú, an Mhí agus Cill Mhantáin, bhí an ráta atitithíocha díreach os cionn an tríú cuid. (34%) don tréimhse chéanna.
Ar an iomlán, dúirt an Phríomh-Oifig Staidrimh go bhfuil méadú beag tagtha ar an ráta athchiontaithe do 2021 (42%) i gcomparáid le 2020 (41%) mar atá ar an ráta trí bliana.
