Fuarthas triúr marbh agus ceathrar tugtha chuig an ospidéal i ndiaidh eachtra i dteach cúraim sa Ríocht Aontaithe, a dúirt na póilíní.
Tá na seirbhísí éigeandála ar an láthair ag Teach Cúraim Gainsborough ar Bhóthar Ulwell i Swanage, agus aslonnaithe go háit shábháilte na cónaitheoirí eile.
Dúirt Póilíní Dorset go bhfuiltear ag caitheamh leis na básanna faoi láthair mar bhásanna gan mhíniú, ach dúirt comhairleoir ó Chomhairle Dorset leis an ngníomhaireacht nuachta PA go bhfuil “amhras” ann “go bhféadfadh sé seo a bheith inchurtha le haonocsaíd charbóin ach nach bhfuil sé cruthaithe”.
Dúirt Katie Lobban, urlabhraí do SGN, cuideachta dáileacháin gáis, gur glaodh orthu go Gainsborough Care Home i Swanage níos luaithe mar an tseirbhís náisiúnta éigeandála gáis do dheisceart Shasana.
