Gabhadh Gerard Hutch, an fear ar a dtugtar 'The Monk', agus roinnt dá ghaolta sa Spáinn mar chuid d'fhiosrúchán ar ghníomhaíochtaí sciúradh airgid.
Inné, chuardaigh gardaí teach Hutch i mBaile Átha Cliath mar chuid d'imscrúdú idirnáisiúnta.
Rinneadh deich gcuardach sa Spáinn freisin.
Tá oifigigh ó Bhiúró Náisiúnta an Gharda Síochána um Imscrúdú Coiriúil sa Spáinn, agus bhí ball den Guardia Civil i dteannta na ngardaí le linn a n-oibríochta i mBaile Átha Cliath.
Tá an t-imscrúdú seo ar sciúradh airgid thar roinnt tíortha ag grúpa coireachta eagraithe Hutch ar siúl le níos mó ná dhá bhliain.
Rinneadh aon chuardach déag sa Spáinn agus in Éirinn maidin inné.
Rinne an Guardia Civil deich gcuardach i roinnt áiteanna, i Lanzarote ina measc.
In Éirinn, chuardaigh oifigigh ón mBiúró Náisiúnta um Imscrúdú Coiriúil, le tacaíocht ón Aonad Práinnfhreagartha armtha agus an Biúró um Shócmhainní Coiriúla, teach Gerard Hutch i mBaile Átha Cliath.
Leanann an cuardach litir iarratais idirnáisiúnta agus cúnamh frithpháirteach ó údaráis na Spáinne
