Buartha faoi úsáid armra trom sa tSúdáin
![](https://img.rasset.ie/00203b80-1600.jpg)
Chuir oifigeach sinsearach de chuid na Náisiún Aontaithe imní in iúl faoi thuairiscí go raibh airm throma á n-úsáid sa troid i gcathair El-Fashur sa tSúdáine.
Bhí sibhialtaigh chréachtaithe á mbrú chuig an ospidéal agus sibhialtaigh ag iarraidh teitheadh ón troid i réigiún Darfur, a dúirt ráiteas ó Clementine Nkweta-Salami, comhordaitheoir daonnúil na NA don tSúdáin.
“Is cúis mhór imní dom an brúchtadh atá ar siúl in (El-Fashur) in ainneoin glaonna arís agus arís eile ar pháirtithe sa choinbhleacht staonadh ó ionsaí a dhéanamh ar an gcathair,” a dúirt Nkweta-Salami Uasal.
“Deirim arís – cuireann an foréigean beatha i mbaol os cionn 800,000 sibhialtach a bhfuil cónaí orthu sa chathair.
“Tá mé chomh suaite céanna ag tuairiscí ar úsáid armra trom agus ionsaithe i gceantair ard-daonra i lár na cathrach agus imeall (El-Fashur), rud a d'fhág go raibh iliomad taismeach ann,” a dúirt Nkweta-Salami, Uasal.
Thug na Stáit Aontaithe rabhadh an mhí seo caite faoi ionsaithe míleata reibiliúnach atá ar tí tarlú ar an gcathair, mol daonnúil a bhfuil an chuma air go bhfuil sé i gceartlár tosaigh nua-oscailte i gcogadh cathartha na tíre.