Tá buachaill 17 bliain d'aois básaithe in eachtra san ionad oibre i gCo. an Chabháin.
Cuireadh Gardaí agus na seirbhísí éigeandála ar an eolas faoin eachtra in áitreabh sa Chabhán go gairid tar éis 4.30pm inné.
Fógraíodh go raibh an déagóir marbh ag an láthair.
Tugadh a chorp ón láthair go dtí an marbhlann in Ospidéal Ginearálta an Chabháin agus déanfar scrúdú iarbháis.
Ullmhófar comhad do chúirt na gcróinéirí.
Tá sé ráite ag an Údarás Sláinte agus Sábháilteachta go bhfuil siad ar an eolas faoin eachtra agus tá fiosrúchán seolta acu.
