Tá achomharc nua déanta ag Gardaí atá ag fiosrú dúnmharú mná gan réiteach 20 bliain ó fuarthas a corp.
Bhí Paiche Unyolo Onyemaechi 25 bliain d’aois nuair a d’imigh sí as Co. Phort Láirge ar 8 Iúil 2004.
Chonacthas í ag fágáil áras a muintire i bPáirc San Herblain i gCill Chomháin an mhaidin sin sular chonacthas í i mBaile Phioc an tráthnóna sin.
Tuairiscíodh go raibh Ms Onyemaechi, arbh as an Mhaláiv ó dhúchas di, ar iarraidh ag a fear céile Chika Onyemaechi dhá lá ina dhiaidh sin.
Níos déanaí an mhí sin, ar 23 Iúil 2004, d'aimsigh beirt bhan amuigh ag siúl feadh Dhroichead Brennar i gCo. Chill Chainnigh corp Ms Onyemaechi i bpáirc in aice le habhann.
Sna 20 bliain ó thángthas ar iarsmaí Ms Onyemaechi, níor tugadh aon duine os comhair na cúirte.
D'imigh a fear céile, Chika Onyemaechi, ar 27 Iúil 2004.
D'oibrigh Ms Onyemaechi i gCo. Luimnigh, ach creidtear freisin gur oibrigh sí in áiteanna éagsúla ar fud na tíre.
Is minic a d’úsáid sí na chéad ainmneacha ‘Gina’ nó ‘Cassandra’ agus an sloinne ‘Willis’.
Tá achomharc déanta inniu ag Gardaí ar aon duine a bhuail, a chonaic, nó a bhfuil aon eolas acu maidir le dúnmharú Ms Onyemaechi, nár labhair leo go fóill, teacht chun tosaigh.
“Le himeacht ama, d’fhéadfadh go mbeadh daoine anois in ann teacht ar aghaidh chuig gardaí.
“Fáilteoidh an fhoireann imscrúdaithe roimh aon fhaisnéis nua, is cuma cé chomh neamhshuntasach is cosúil,. Déileálfar leis an bhfaisnéis seo faoi rún daingean.
“Déanann An Garda Síochána achomharc ar aon duine a bhfuil aon fhaisnéis acu, is cuma cé chomh beag nó neamhshuntasach a chreidfeá é, dul i dteagmháil le Stáisiún Garda na Trá Móire ar 051 391620 nó aon stáisiún gardaí, nó ba cheart d’aon duine ar mian leis faisnéis a sholáthar faoi rún teagmháil a dhéanamh leis an nGarda faoi Rún. Líne ar 1800 666 111.”
