Tá cóir leighis á cur san ospidéal ar bhean atá 60 bliain d'aois tar éis ionsaí a dhéanamh uirthi ag dhá mhadra i ndeisceart Bhaile Átha Cliath tráthnóna inniu.
Tharla an eachtra ag teach i gceantar Dhún Laoghaire díreach tar éis meán lae.
Tugadh an bhean go hOspidéal Naomh Uinseann chun cóir leighis a fháil ar a gortuithe, a thuigtear a bheith tromchúiseach ach nach bhfuil bagairt saoil orthu.
Tá na madraí, a dtuigtear gur bullaí iad, faoi choimeád an mhaor madraí faoi láthair.
Níl sé soiléir an bhfuil na hainmhithe atá i gceist ar liosta na bpórtha srianta.
Dúirt Gardaí go bhfuil an t-imscrúdú ar an eachtra ar siúl.
