Gabhadh bean ar amhras faoi dhúnmharú fir i mBaile Brigín, Co Bhaile Átha Cliath níos luaithe an mhí seo.
Fuarthas an fear ina 60idí le gortuithe tromchúiseacha ar bhóthar i gceantar Bhaile Brigín go luath ar an Satharn 10 Lúnasa.
Tugadh go hOspidéal Beaumont é, áit a bhfuair sé bás lá arna mhárach.
Rinneadh scrúdú iarbháis ina dhiaidh sin agus tá sé ráite ag Gardaí nach bhfuil na torthaí á nochtadh “ar chúiseanna oibriúcháin”.
Gabhadh an bhean, atá ina 40idí, i mBaile Brigín ar maidin inniu.
Tá sí á coinneáil ag stáisiún na ngardaí i dtuaisceart Bhaile Átha Cliath.
Tá sé ráite ag Gardaí go bhfuil imscrúduithe ar bun.
