Tá an Bille Airgeadais, arb é an píosa reachtaíochta a thugann éifeacht dhlíthiúil don Bhuiséad, foilsithe tráthnóna inniu.
Uaireanta is deis é scaoileadh an dlí molta do rialtas athruithe a dhéanamh ar an mbuiséad.
Mar sin féin, níl aon bhearta nua tugtha isteach ag an gComhrialtas tar éis Buiséad na seachtaine seo caite a fhógairt.
I ráiteas, dúirt an tAire Airgeadais Jack Chambers go raibh bearta Buiséid sa bhille “a bhfuil sé i gceist acu tacaíochtaí breise a sholáthar ar fud na tíre agus cobhsaíocht fhadtéarmach an airgeadais phoiblí a choinneáil”.
Dúirt sé: “Táim ag tnúth leis an ionstraim thábhachtach reachtaíochta seo a thabhairt tríd an Oireachtas sna seachtainí atá romhainn.”
Tá Creidmheas Cánach Cíosa méadaithe an Bhuiséid, síneadh leis an scéim Cúnamh chun Ceannaigh, an Cháin ar Thithe Folamh agus an Cháin Talún Criosaithe Cónaithe sa Bhille.
Déanann sé foráil freisin d’athruithe agus leasuithe cánach ioncaim a eascraíonn as an mBille um Rialáil Cearrbhachais agus bearta a bhaineann leis an Scéim Uathoibríoch Coigiltis Scoir Rollaithe.
