Tá cuardach aeir agus farraige ar siúl amach ó chósta an oirdheiscirt do cadhicéir atá ar iarraidh le beagnach 24 uair a chloig.
Chuaigh an cadhcóir amach as Ceann Heilbhic gar do Dhún Garbhán i gCo. Phort Láirge go gairid tar éis 11.30am maidin inné.
Ardaíodh an t-aláram leis an nGarda Cósta go gairid roimh 5.30pm tráthnóna inné.
Chuir an tIonad Comhordaithe Tarrthála Mara i mBaile Átha Cliath tús le cuardach, le tacaíocht ó na seirbhísí bád tarrthála áitiúla agus an héileacaptar tarrthála R117.
Tá an t-árthach cabhlaigh an LÉ Aoibhinn ag comhordú an chuardaigh.
