Cuireann an giúiré tús le pléití i dtriail éignithe cóitseálaí spóirt
![](https://img.rasset.ie/001ef1cb-1600.jpg)
Tá an giúiré i dtriail cóitseálaí spóirt atá cúisithe as éigniú agus ionsaí gnéis a dhéanamh ar chailín sna déaga 35 bliain ó shin tosaithe ar a bplé sa Phríomh-Chúirt Choiriúil.
Phléadáil an fear 78 bliain d’aois, nach féidir a ainmniú ar chúiseanna dlí, neamhchiontach i gcúis amháin éignithe agus 15 chúis d’ionsaí mígheanasach ar scoil ar dhátaí idir Deireadh Fómhair 1989 agus Deireadh Fómhair 1990.
Bhí an gearánach idir 13 bliana agus 14 bliana d’aois ag an am.
Le linn na trialach, dúradh leis an ngiúiré an fear a éigiontú faoi threoir bhreitheamh na trialach as ceithre cinn de na cúisimh sin, tar éis argóint dhlíthiúil, rud a d'fhág go raibh an giúiré le breithniú a dhéanamh ar chion éignithe amháin agus 11 chúiseamh d'ionsaí mígheanasach.
Athraíodh dáta na gcionta ó Dheireadh Fómhair 1989 go Meitheamh 1990 freisin.
Leanann an triail ar aghaidh os comhair an Bhreithimh Melanie Greally agus táthar ag súil go dtiocfaidh an giúiré ar ais amárach chun leanúint ar aghaidh ag breithniú na bhfíorasc.