Tá tús curtha ag FSS lena clár vacsaínithe geimhridh, agus moltar vacsaíní fliú agus Covid-19 araon do dhaoine atá 60 bliain d’aois agus níos sine, oibrithe cúram sláinte, aon duine atá ag iompar clainne agus iad siúd a bhfuil riocht sláinte fadtéarmach orthu.
Tá na vacsaíní ar fáil saor in aisce ó dhochtúirí teaghlaigh agus ó chógaslanna rannpháirteacha agus is féidir iad a thabhairt ag an am céanna.
Cuirfidh foirne vacsaínithe FSS vacsaíniú ar fáil freisin do dhaoine atá ina gcónaí i dtithe altranais, dóibh siúd atá in áiseanna cúraim chónaithe eile agus d’othair atá gafa sa teach.
Moltar an vacsaín don fhliú sróine, a bheidh ar fáil ón tseachtain seo chugainn, do leanaí idir dhá bhliain agus 17 mbliana d’aois.
Dúirt an Dr Louise Marron, Comhairleach i Míochaine Sláinte Poiblí, Oifig Náisiúnta Imdhíonta an HSE, go bhfuiltear ag súil go rachaidh víris fliú agus Covid i gcúrsaíocht an geimhreadh seo agus gur víris éagsúla is cúis leo.
An geimhreadh seo caite, cuireadh níos mó ná 4,000 duine san ospidéal leis an bhfliú agus bhí cóireáil ospidéil ag teastáil ó níos mó ná 7,000 duine a raibh Covid-19 orthu.
