Tá anailís mhionsonraithe á ullmhú ag oifigigh na Roinne Airgeadais ar ghníomhaíocht infheisteoirí institiúideacha sa mhargadh tithíochta le trí bliana anuas.
Leagfar amach san anailís roghanna maidir le hathruithe féideartha ar an ráta dleachta stampa 10% ar infheisteoirí a cheannaíonn níos mó ná deich réadmhaoin.
Tá athrú ar an tairseach deich réadmhaoin socraithe le scrúdú freisin.
Táthar ag súil go rachaidh an t-athbhreithniú chuig ceannairí páirtí an Rialtais go luath.
I mí an Mheithimh seo caite, d’iarr an Taoiseach Simon Harris ar an Aire Airgeadais a bhí ag an am, Michael McGrath, iarraidh ar a chuid oifigeach breathnú ar an gceist seo arís.
I litir chuig an Aire ag an am, scríobh an tUasal Harris nach féidir glacadh le mórcheannach na dtithe atá de dhíth ar cheannaitheoirí céaduaire.
Mhol an Taoiseach freisin go mb’fhéidir nár éirigh go hiomlán lena sprioc leis an ráta dleachta stampa níos airde ar mhórcheannach tithe.
