Aithníodh an druga taobh thiar de na ródháileoga le déanaí i bPríosún Phort Laoise mar bheinseadé-asaipín sintéiseach nua.
Cuireadh aon phríosúnach déag san ospidéal Dé Máirt, agus tugadh triúr chuig an ICUtar éis an druga a ghlacadh, ar a dtugtar clobromazolam.
Seo an chéad uair a aithníodh an druga seo in Éirinn.
Dheimhnigh an tsaotharlann de chuid FSS um Threochtaí Drugaí atá ag Teacht Chun Cinn nach raibh aon opioids i gceist, go háirithe ní raibh aon níotéiní ann.
Dúirt an tOllamh Eamon Keenan, ceannaire cliniciúil ar sheirbhísí andúile FSS, go bhfuil an beinseadé-asaipín sintéiseach nua thar a bheith cumhachtach agus gur cineál drugaí támhacháin é.
Dúirt sé: “Is sampla é an cás i bPríosún Phort Laoise le déanaí de chomh luaineach is atá an margadh drugaí. Tá substaintí nua ag teacht ar an margadh agus ag déanamh díobhála go tapa.”
Dúirt an FSS nár aithníodh clobromazolam i suíomhanna pobail eile.
