D'urghabh gardaí cannabas dar luach thart ar €1.6m i mBaile Bhlainséir i mBaile Átha Cliath tar éis sraith cuardaigh a dhírigh ar choireacht eagraithe.
Gabhadh fear 42 bliain d'aois le linn na hoibríochta inné.
Stopadh carr ag thart ar 6.30pm ag oifigigh a bhí bainteach le Biúró Náisiúnta an Gharda um Dhrugaí agus Coireacht Eagraithe mar chuid d’Oibríocht na Teamhrach.
Rinneadh cuardach ar leith ar áitreabh gnó i mBaile Bhlainséir.
Tá an 80kg de channabas curtha ar aghaidh chuig Eolaíocht Fhóiréinseach Éireann lena anailísiú.
Deir Gardaí go bhfuil imscrúduithe ar an urghabháil ag leanúint ar aghaidh.
