Tá Éireannach a bhí ag troid le fórsaí na hÚcráine in oirthear na hÚcráine ar iarraidh agus é marbh.
Bhí Alex Ryzhuk, 20, ag fónamh mar oibrí deonach le míleata na hÚcráine ach tuigtear gur tuairiscíodh go raibh sé ar iarraidh le seachtainí beaga anuas.
Tá sé deimhnithe ag an Roinn Gnóthaí Eachtracha go bhfuil sí ar an eolas faoin gcás agus go bhfuil cúnamh consalachta á chur ar fáil aici.
I ráiteas do Nuacht RTÉ, dúirt sé: “Mar is amhlaidh le gach cás consalachta, ní dhéanann an Roinn trácht ar shonraí cásanna aonair.”
Tuigtear go bhfuil sé curtha in iúl do theaghlach an Uasail Ryzhuk in Éirinn go bhfuil sé ar iarraidh go hoifigiúil.
Níos luaithe, thuairiscigh an Irish Times ar dtús go raibh sé ar iarraidh agus go raibh sé marbh.
Rugadh Alex Ryzhuk i mBaile Átha Cliath do thuismitheoirí Úcránach agus bhí cónaí air i gceantar Ráth Maonais. Thaistil sé go dtí an Úcráin anuraidh chun dul isteach san arm.
Bhí an tUasal Ryzhuk ina phíolóta dróin leis an 3ú Briogáid Ionsaí ar Leith san Úcráin, ag feidhmiú faoin nglaochomhartha 'Irlandets'.
Chuir an scannánóir Éireannach Finn Boylan ó FinnHouse Films agallamh air le déanaí mar chuid de chlúdach a craoladh ar Prime Time RTÉ ar 8 Lúnasa faoi fhorbairtí sa chogadh.
Dúirt sé san agallamh go raibh sé i gceist aige filleadh ar Éirinn agus dul isteach in Óglaigh na hÉireann tar éis deireadh le coinbhleacht na hÚcráine.
Teastaíonn do thoiliú uainn chun an t-inneachar YouTube seo a lódáilBainimid úsáid as YouTube chun inneachar breise a bhainistiú ar féidir leo fianáin a shocrú ar do ghléas agus sonraí a bhailiú faoi do ghníomhaíocht. Déan athbhreithniú ar a gcuid sonraí agus glac leo chun an t-ábhar a lódáil.Sainroghanna a bhainistiú
“Ní joke é cogadh, is dóchúlacht an-ard é bás le linn cogaidh,” a dúirt sé. “Is rud é a tharlaíonn i gcónaí, fiú mura bhfuil sé duitse, is do dhuine eile é, nó do dhuine a bhfuil aithne agat air,” a dúirt sé.
Dúirt urlabhraí d’Ambasáid na hÚcráine i mBaile Átha Cliath go dtuigeann sé go bhfuil an fear “ar iarraidh i mbun gnímh” san Úcráin.
Dúirt Cumann na nÚcránach i bPoblacht na hÉireann gur scéal brónach a bhí ann, go háirithe agus an pobal ag ullmhú chun lá neamhspleáchais na hÚcráine a chomóradh an deireadh seachtaine seo.
Dúirt an t-urlabhraí Mariya Starukh go gcloineann go leor Úcránach atá ina gcónaí in Éirinn go rialta faoi dhaoine a bhfuil grá acu ar iarraidh le linn na troda, agus go bhféadfadh sé a bheith an-deacair nuashonruithe a fháil ón tír.
“Tá sé deacair a mhíniú go díreach conas a mhothaíonn sé sin,” a dúirt sí.
“Tá sé an-brónach scéala a chloisteáil faoi fhear óg den sórt sin ag dul ar iarraidh. Tá súil againn go bhfaighfear é.”
Tuairisciú breise Conor McMorrow, PA
