Tá fiosrúchán ar bun i ndiaidh do choisí ina 80idí bás a fháil tar éis eachtra a bhain le veain ag carrchlós iata i gCo. Cheatharlach.
Tharla an eachtra ag Plás na Toirbhirte, Sráid an Choláiste i mBaile Cheatharlach thart ar 4.30pm inné.
Tugadh an bhean go hOspidéal Ginearálta Naomh Lúcás i gCill Chainnigh le gortuithe tromchúiseacha agus fuair sí bás tamall gairid ina dhiaidh sin.
Tá scrúdú iarbháis le bheith ar siúl.
Níor gortaíodh tiománaí an veain san eachtra.
Tá Gardaí ag achomharc ar fhinnéithe, go háirithe úsáideoirí bóithre a bhféadfadh píosaí scannáin ceamara a bheith acu (lena n-áirítear dash-cam) agus a bhí i gceantar Phlás na Toirbhirte idir 4.15pm agus 4.45pm teagmháil a dhéanamh leo.
Iarrtar ar aon duine a bhfuil eolas acu teagmháil a dhéanamh le Stáisiún Garda Cheatharlach ag 059 913 6620, Líne Rúnda na nGardaí ag 1800 666 111, nó aon stáisiún gardaí.
