Tá fear ina 50idí básaithe tar éis dó dul i dtrioblóid san fharraige amach ó chósta Chorcaí.
Tuigtear go ndeachaigh sé isteach san uisce chun cabhrú le roinnt daoine óga ag Trá na hInse, gar do Mhainistir na Corann tráthnóna inniu.
Dúirt Garda Cósta na hÉireann i Dairbhre gur tugadh le fios go raibh cúigear tar éis dul i dtrioblóid san uisce amach ó Thrá na hInse ag 3pm inniu.
Tarrtháil baill den phobal ceathrar ón uisce.
Tógadh an fear a chuaigh isteach san fharraige ón uisce i riocht tromchúiseach.
Aistríodh go hOspidéal na hOllscoile, Corcaigh é in otharcharr áit a bhfuair sé bás níos déanaí.
Tá scrúdú iarbháis le déanamh agus ullmhófar comhad do Chúirt na Cróinéirí.
