Tá turasóir 41 bliain d'aois as Ceanada a ionsaíodh i mBaile Átha Cliath naoi lá ó shin básaithe san ospidéal.
Ionsaíodh Neno Dolmajian, arbh as Montréal dó, ar Shráid Uí Chonaill go luath ar an 23 Meitheamh.
Gortaíodh go dona é agus tugadh go hOspidéal an Mater é, áit ar bhásaigh sé tráthnóna inniu.
Bhí a thuismitheoirí agus a dheirfiúr a thaistil ó Cheanada ag cois a leapa.
Gabhadh ceathrar maidir leis an ionsaí agus tá beirt fhear tagtha os comhair cúirte.
Tá Ionut Danca, 24, le seoladh ar Chearnóg Ráth an Dúin, an Cuarbhóthar Thuaidh, i mBaile Átha Cliath agus Madalin Ghiuzan, 23 bliain d'aois, a bhfuil seoladh ag Paráid Chnoc an Línsigh i mBaile Átha Cliath, cúisithe as ionsaí a rinne díobháil don Uasal Dolmajian.
Diúltaíodh bannaí don bheirt fhear ag Cúirt Dúiche Bhaile Átha Cliath agus tá siad athchurtha faoi choimeád.
