Tá fáilte curtha ag tuismitheoirí méala roimh chlár do theaghlaigh a bhfuil marbh-bhreith acu.
Tagann sé i ndiaidh feachtais atá ar bun le fada ag tuismitheoirí agus grúpaí abhcóideachta a d’iarr ar an Aire Coimirce Sóisialaí Heather Humphreys meicníocht a chruthú chun marbhbhreitheanna a thaifeadadh.
Is áis ‘rogha an diúltaithe’ é Clár na Marbh-bhreitheanna a cuireadh beo an tseachtain seo chun príobháideacht a chinntiú do theaghlaigh agus dá ngaolta a d’fhulaing tráma dá leithéid.
Tháinig an t-athrú i bhfeidhm tar éis achtú an Bhille um Chlárú Sibhialta (Clárú Leictreonach), 2024.
Tá fáilte curtha ag Nina Doyle, máthair leanaí Liam agus Grace, atá ina hurlabhraí don ghrúpa abhcóideachta Féileacáin, roimh an tionscnamh.
Ghabh Iníon Doyle buíochas leis an Aire Humphreys as a bheith ag obair le tuismitheoirí agus dúirt go raibh sé “an-mhórtasach go bhfuil deis á thabhairt do thuismitheoirí méala anois taifead luachmhar a mbabaí a phoibliú más mian leo é sin a dhéanamh”.
