News
Fear, 40 bliain d'aois, básaithe le linn imeacht tumadóireachta i gCo Dhún na nGall
![](https://img.rasset.ie/001d4e27-1600.jpg)
Tá fear sna 40idí básaithe tar éis dó dul i dtrioblóid ag ócáid tumadóireachta scúba i gCo. Dhún na nGall.
Cuireadh fear eile, atá sna 60idí, go dtí an t-ospidéal i nGaillimh le cóireáil a fháil.
Fuarthas an bheirt fhear ón uisce in aice leis an gcé i dTeileann, siar ó na Cealla Beaga.
Tuigtear go raibh siad ag glacadh páirte i Railí Tumadóireachta an Iarthuaiscirt a d'eagraigh club Sub Aqua Bá Dhún na nGall.
Tharla an tragóid thart ar 12.30 tráthnóna inniu. Bhí an Garda Cósta agus na gardaí páirteach san oibríocht tarrthála.
Tá an cróinéir áitiúil curtha ar an eolas agus beidh scrúdú iarbháis ann.