Tá achomharc ar fhaisnéis eisithe tar éis eachtra ag teach inar gortaíodh cailín go dona sa Ráth, Co. Chorcaí.
Deir Gardaí gur gortaíodh an cailín le linn na heachtra, a tharla aréir i gceantar Newline, agus rinneadh damáiste nach beag don teach agus d'fheithicil.
Tugadh an cailín, a dtuigtear go raibh sí timpeall 12 bliain d'aois, in otharcharr go hOspidéal na hOllscoile, Corcaigh agus aistríodh ansin go hOspidéal Shráid Temple i mBaile Átha Cliath í. Cuirtear síos uirthi mar dhuine atá i riocht tromchúiseach ach seasmhach.
Tá an láthair sa Ráth caomhnaithe agus tá scrúdú teicniúil déanta.
Tá achomharc ar fhaisnéis eisithe, agus tá iarrtha ag gardaí ar aon duine a d'fhéadfadh a bheith mar fhinné ar rud ar bith i Newline idir 10.30pm agus meán oíche teagmháil a dhéanamh leo.
D'iarr Gardaí freisin ar aon duine a bhféadfadh píosaí scannáin dashcam a bheith acu é a chur ar fáil dóibh.
Iarrtar ar aon duine a bhfuil eolas acu dul i dteagmháil le gardaí ag Stáisiún Garda Mhala ar 022-31450, Líne Rúnda na nGardaí ar 1800 666 111 nó aon stáisiún gardaí.
