Hackett chun tosaigh ar O'Gorman sa rás do cheannaireacht Green
![](https://img.rasset.ie/0020751a-1600.jpg)
I rás ceannaireachta an Chomhaontais Ghlais, tá an tAire Stáit Pippa Hackett chun tosaigh ar an Aire Roderic O'Gorman i ndearbhuithe tacaíochta ón bpáirtí parlaiminte.
Chuir an Seanadóir Róisín Garvey, arb as an gClár di, le fios ar na meáin shóisialta aréir go raibh gá le cothromaíocht tuaithe agus réigiúnach anois, agus Pippa Hackett réidh, toilteanach agus ábalta an páirtí a threorú.
Is é an Seanadóir Garvey an cúigiú ball den pháirtí parlaiminte a thacaíonn leis an Aire Hackett, in éineacht leis an Aire Stáit Ossian Smyth, na Teachtaí Dála Brian Leddin agus Stephen Matthews, chomh maith le cathaoirleach an pháirtí, an Seanadóir Pauline O’Reilly.
I measc na ndaoine atá dearbhaithe don Aire Roderic O’Gorman tá na hAirí Stáit Malcolm Noonan agus Joe O’Brien, chomh maith leis na teachtaí Marc Ó Cathasaigh agus Patrick Costello.
Tá sé ráite ag an gceannaire Eamon Ryan atá ag dul as oifig, agus ag an leas-cheannaire atá ag dul as oifig Catherine Martin, go leanfaidh siad prótacal an pháirtí agus nach dtabharfaidh siad tacaíocht d’aon iarrthóir sa rás.
Tá sé tugtha le fios ag an Teachta Francis Noel Duffy agus ag an Seanadóir Vincent P Martin nach bhfuil siad chun a bhfuil ar intinn acu a fhógairt.
Níl sé soiléir faoi láthair cad a dhéanfaidh an leas-cheannaire Neasa Hourigan agus an Seanadóir Malachai O'Hara.
I measc chomhairleoirí an Chomhaontais Ghlais, tá tacaíocht fógartha ag thart ar dhosaen don Aire O’Gorman, gan ach ceathrar ag tacú le Pippa Hackett go dtí seo – an comhairleoir Tom Kivlehan agus an comhairleoir Erika Doyle ina measc.
I measc na gcomhairleoirí a thacaíonn Roderic O’Gorman tá Iar-Ardmhéara Bhaile Átha Cliath Hazel Chu, Janet Horner, Carolyn Moore, Feljin Jose, Michael Pidgeon, Oliver Moran, Oisin O’Connor, Ray Cunningham, Eva Dowling, Marianne Butler, agus Honore Kamegni.
Cé gurb iad an tAire O’Gorman agus an tAire Stáit Hackett na h-aon iarrthóirí atá sa chomórtas faoi láthair, is féidir ainmniúcháin a chur isteach go dtí 9pm Dé Luain seo chugainn.
Is é ballraíocht an pháirtí a cheaptar a sheasann do thart ar 4,000 duine a chinnfidh an toradh.
Fógróidh an Comhaontas Glas a cheannaire nua ar 8 Iúil.
Fógrófar faisnéis faoi thoghadh leascheannaire, tar éis chinneadh Catherine Martin éirí as a post, níos déanaí.