IALPA ag moladh go nglacfaí le tograí na Cúirte Oibreachais
![](https://img.rasset.ie/002093f0-1600.jpg)
Tá oifigigh Chumann Píolótaí Aerlínte na hÉireann (IALPA) ag cur baill ar an eolas an tseachtain seo faoi thograí na Cúirte Oibreachais a eisíodh an tseachtain seo caite atá dírithe ar réiteach a fháil ar a n-aighneas pá.
Tá IALPA ag moladh go nglacfaí le moltaí na Cúirte Oibreachais a áiríonn ardú pá 17.75% do phíolótaí thar cheithre bliana.
Tá ballóid ar na moltaí le tosú Déardaoin agus críochnóidh sí an Mháirt dár gcionn.
Mar thoradh ar oibriú go riail agus stad lá oibre ocht n-uaire an chloig cuireadh ar ceal 573 eitilt Aer Lingus le seachtainí beaga anuas.
Tá 25 eitilt, a cuireadh ar ceal inniu agus amárach, ar na cinn dheireanacha a d’eascair as an ngníomh tionsclaíoch a cuireadh ar fionraí ar feitheamh thoradh na ballóide.
Leigh Nios mo:
Tá IALPA chun caingean ag Aer Lingus a chur ar fionraí agus a mholadh go nglacfaí le comhaontú pá
An Chúirt Oibreachais le hidirghabháil foirmiúil a dhéanamh in aighneas na bpíolótaí Aer Lingus