Maraíodh máthair agus iníon, 8, i dtimpiste bóthair i Maigh Eo
![](https://img.rasset.ie/00208681-1600.jpg)
Tá bean agus a hiníon ocht mbliana d'aois básaithe i dtimpiste bóthair i gCo Mhaigh Eo.
Maraíodh an bhean, a bhí ina 40idí, agus a hiníon tar éis dá gcarr imbhualadh le leoraí ar an N26 ag Caladh idir Béal Easa agus Béal Átha na Muice, go gairid roimh 6pm inné.
Tugadh tiománaí an leoraí go dtí an t-ospidéal le gortuithe, a thuigtear nach bhfuil bagairt saoil orthu.
Tá an N26 fós dúnta agus atreoruithe i bhfeidhm.
Dúirt Ceannfort na nGardaí Liam Geraghty go raibh an aimsir go maith, ach dúirt sé go bhfuil “roinnt lúba agus línte bána dúbailte” ar an bpíosa bóthair inar tharla an t-imbhualadh.
Tá achomharc á dhéanamh ag Gardaí ar aon duine a bhféadfadh scannán ceamara a bheith acu agus a bhí ag taisteal ar an N26 idir Béal Átha na Muice agus Béal Easa idir 5pm agus 6pm inné dul i dteagmháil le Stáisiún na nGardaí i mBéal an Átha ar 096 20560, Líne Rúnda na nGardaí ar 1800 666 111 nó aon stáisiún Gardaí.
In eachtra ar leith, aFuair fear ina 50idí bás tar éis timpiste aon ghluaisteán i gCo. na hIarmhí.
Go dtí seo i mbliana tá 96 duine básaithe ar bhóithre na hÉireann, méadú 11 ar an tréimhse chéanna anuraidh.