Gheobhaidh gnólachtaí beaga agus meánmhéide sna hearnálacha miondíola agus fáilteachais deontais suas le €5,000 faoi bhabhta nua den scéim Costas Méadaithe Gnó ar fiú €66 milliún é.
Méadóidh an pacáiste tacaíochta, a sheolfaidh an tAire Fiontar Peter Burke inniu, an t-uasmhéid atá ar fáil faoin Deontas um Éifeachtúlacht Fuinnimh do ghnólachtaí beaga go €10,000.
Ón lá atá inniu ann, beidh an scéim um Chostas Méadaithe Gnó ar oscailt ar feadh coicíse d’aon ghnó nár chláraigh go dtí seo.
Tá an tAire Burke le fógairt freisin go mbeidh athrú ar an tairseach ÁSPC ó €441 go €496 ó mhí Dheireadh Fómhair seo chugainn.
Cinnteoidh an t-athrú, a chosnaíonn €54 milliún sa bhliain, go n-íocfaidh gnólachtaí a bhfuil baill foirne acu a thuilleann an t-íosphá ráta níos ísle de ÁSPC fostóra ag 8.8%.
Tá sé aontaithe ag an Rialtas go gcaithfidh an Coimisiún um Pá Íseal ÁSPC fostóirí a bhreithniú agus athruithe ar an íosphá amach anseo á mholadh.
Chomh maith leis sin déanfar an deontas a chuidíonn le gnólachtaí smaoineamh nó táirge a fhorbairt ar a dtugtar an Scéim Dearbhán Nuálaíochta a dhúbailt ó €5,000 go €10,000.
Tá an tAire Burke chun athbhreithniú a dhéanamh ar thaighde nua ERSI ar thionchar saoire bhreoiteachta reachtúil sula gcinnfidh sé ar mhéaduithe breise.
Bhí líon na laethanta saoire breoiteachta reachtúla le méadú ón gcúig lá reatha go dtí deich lá faoi 2026.
