Tá oibríocht chuardaigh seolta do bhuachaill óg a tuairiscíodh a bheith ar iarraidh i gcóngar Aillte an Mhothair i gCo. an Chláir.
Tuigtear gur scar an buachaill óna theaghlach inné.
Creidtear go raibh an teaghlach ar saoire in Éirinn ó thíortha thar lear.
Seoladh oibríocht chuardaigh nuair a ardaíodh an t-aláram.
Tuigtear gur chonaic criú héileacaptair Gharda Cósta na hÉireann atá lonnaithe sa tSionainn, Rescue 115, corp a chreidtear a bheith san uisce ag bun aille.
Bhí an ceantar dorochtana ag an am agus tonnta móra ag briseadh ar an gcladach agus cuireadh deireadh leis an gcuardach tráthnóna inniu agus cuireadh tús leis arís ar maidin.
Cé go ndearna baill Aonad Uisce an Gharda Síochána cuardach cuimsitheach ar an gcladach inniu, le cabhair ó oibrithe deonacha an Gharda Cósta ar bharr na haille agus Rescue 115 ó thuas, níor thángthas ar aon rian de chorp.
D'fhill criúnna tarrthála an Gharda Cósta ar an gcladach tráthnóna mar a dúradh nach raibh an aimsir oiriúnach le scamall íseal sa cheantar.
Déanfar cinneadh maidir le cathain a thosóidh an cuardach nuair a thiocfaidh feabhas ar na coinníollacha.
Dúirt urlabhraí de chuid na nGardaí: “Tá Gardaí, an RNLI, an Garda Cósta agus na seirbhísí áitiúla cuardaigh agus tarrthála i mbun oibríocht chuardaigh i gcóngar Aillte an Mhothair i gContae an Chláir tar éis tuairiscí go bhfuil ógánach fireann ar iarraidh.”
