Tá thart ar 100 puball atá á n-úsáid ag iarrthóirí tearmainn á mbaint ar maidin inniu as an gCanáil Mhór i mBaile Átha Cliath don tríú uair go dtí seo an mhí seo.
Tagann sé seo tar éis freagairtí ilghníomhaireachta roimhe seo chun pubaill a bhaint as timpeall na cathrach.
Dúradh i ráiteas ón Rialtas ar maidin go bhfuil roinnt leapacha curtha ar fáil i Citywest le cúpla lá anuas, rud a d’fhág gur cuireadh lóistín ar tairiscint d’iarratasóirí ar Chosaint Idirnáisiúnta a bhí ag fanacht ar chóiríocht.
Pubaill feadh na canála móra á mbaint anois. Busanna ag fanacht le háititheoirí a thabhairt chuig cóiríocht eile. pic.twitter.com/iIlbaiNFcL
— Carole Coleman (@Carolecoleman) 30 Bealtaine, 2024
“Rinne an Roinn Leanaí, Comhionannais, Míchumais, Imeasctha agus Óige, le tacaíocht ó roinnt carthanachtaí do dhaoine gan dídean, cuairteanna for-rochtana ar an gCanáil Mhór,” a dúirt an ráiteas.
“Tairgeadh lóistín ag Citywest d'aon duine a sainaithníodh a bheith incháilithe do chóiríocht um Chosaint Idirnáisiúnta ag ceann amháin nó níos mó de na cuairteanna for-rochtana sin.”
Tá cúig bhus sa cheantar ag ullmhú chun na fir a thabhairt chuig lóistín eile.
