Beidh daoine atá deimhnithe a bheith mí-oiriúnach dochtúra chun tiomáint ar feadh bliana nó níos mó anois in ann iarratas a dhéanamh ar phas saorthaistil faoin scéim ar cuireadh síneadh leis le déanaí.
Meastar go bhfuil breis agus 30,000 duine incháilithe don scéim, a úsáideann daoine scothaosta den chuid is mó.
Measann Epilepsy Ireland, atá i mbun feachtais le fada an scéim a leathnú, go mbeidh thart ar 5,000 duine a bhfuil an riocht orthu incháilithe anois.
Dúirt an Bainisteoir Abhcóideachta Paddy McGeoghegan inniu gur “deireadh an fheachtais atá ann le fada an lá ag Epilepsy Ireland”.
Dúirt sé go bhfuil teachtaireachtaí croíúil faighte ag an ngrúpa ó dhaoine a bhfuil titimeas orthu a bhfuil a gceadú faighte acu le cúpla lá anuas.
Ag aithint don obair atá déanta ag Epilepsy Ireland, dúirt an tAire Coimirce Sóisialaí Heather Humphreys go rachadh an beartas nua chun tairbhe ní hamháin dóibh siúd a bhfuil titimeas orthu “ach d’aon duine nach bhfuil in ann tiomáint go liachta”.
Dúirt Síomha Connolly, céad úsáideoir an Phas Saorthaistil, go bhfuil sé “deacair a thuiscint go bhfuil tú faoi urchosc ó thaobh leighis de mura bhfuil tú sa phost sin”.
“Féadann sé dul i bhfeidhm ar gach gné den saol mar go mbíonn tú ag brath go mór ar iompar poiblí agus ar chineáltas cairde agus teaghlaigh le dul thart,” a dúirt sí.
“Táim thar a bheith sásta gur aithníodh na deacrachtaí a d'fhéadfadh a bheith leis seo trí leathnú na scéime.”
Tá an scéim ar fáil faoi láthair do gach duine atá 66 bliana d’aois agus níos sine agus do dhaoine áirithe atá ag fáil íocaíochtaí cáilitheacha agus a chónaíonn go buan go dleathach sa Stát.
Tá breis agus milliún duine incháilithe don phas, ar féidir cur isteach air ag Gov.ie/FreeTravel.
