Tá foireann náisiúnta ban na Palaistíne tagtha go Baile Átha Cliath roimh a gcluiche le Bohemians FC Dé Céadaoin.
Chuir suas le 100 tacadóir fáilte roimh thoscaireacht de thart ar 37 ball ag Aerfort Bhaile Átha Cliath, a chanadh manaí ag tacú leis an bPalaistín.
Tá imreoirí na foirne lonnaithe sa Bhruach Thiar den chuid is mó, agus roghnaítear imreoirí ón diaspóra freisin.
Ag labhairt dó roimh an gcluiche dúirt imreoir fhoireann na Palaistíne, Busan Abuaita: “Gach uair a imrímid don fhoireann náisiúnta agus a gcloisimid ár n-amhrán is iontach an mothúchán é, chun ionadaíocht a dhéanamh ní hamháin ar ár dtír ach ar mhná na Palaistíne.
“Ach tá an cluiche seo níos speisialta dúinne mar táimid ag dul go tír a léiríonn an oiread sin dlúthpháirtíochta do mhuintir na Palaistíne, táimid ag déanamh seo chun cluiche a imirt ach freisin chun tacú le Gaza agus le muintir na Palaistíne ar fad.
“Is mór againn an cuireadh, ní bhíonn muid in ann taisteal i gcónaí mar gheall ar ár bpoist agus ár víosaí agus ceisteanna eile ach rinne muid gach rud is féidir linn a bheith i láthair i mBaile Átha Cliath ag an ócáid seo, daoine ann chun tacú linn agus muid ag imirt an chluiche. Is breá linn.
Clúdóidh ticéid don chluiche cuairt fhoireann agus thoscaireacht na Palaistíne, agus roinntear an chuid eile idir na comhpháirtithe carthanachta Palestine Sport for Life, Medical Aid for Palestine and Aclaí Palestine.
Tá líon teoranta ticéid fágtha.
