Tá frithghiniúint saor in aisce ar fáil do mhná 32-35 bliana d’aois
![](https://img.rasset.ie/00181ea9-1600.jpg)
Leathnaíodh an Scéim Frithghiniúna In Aisce chun mná idir 32 agus 35 bliain d’aois a chlúdach.
Clúdaíonn an tseirbhís an costas a bhaineann le comhairliúchán le Dochtúirí Teaghlaigh, pleanáil teaghlaigh, ionaid sláinte agus cúram príomhúil na mac léinn agus oidis don raon leathan roghanna frithghiniúna atá ar fáil ar Liosta Aisíocaíochta Fheidhmeannacht na Seirbhíse Sláinte.
Dúirt an tAire Sláinte Stephen Donnelly go bhfuil beagnach 2,400 dochtúir teaghlaigh agus 2,050 cógaslann ag tairiscint seirbhísí faoin scéim anois, agus níos mó ná 189,000 bean ag teacht ar na seirbhísí anuraidh.
Dúirt sé go bhfuil an scéim á leathnú ó inniu go gcumhdófar mná idir 32 agus 35 bliain d’aois.
Tá an scéim frithghiniúna saor in aisce ar fáil do mhná, do chailíní agus do dhaoine a aithníonn mar thrasinscneach nó neamhdhénártha, a bhfuil gnáthchónaí orthu in Éirinn agus a measann a ndochtúirí go bhfuil frithghiniúint ar oideas oiriúnach dóibh.