Tá fiosrúchán dúnmharaithe seolta ag bleachtairí tar éis gur thángthas ar chorp mná i ngaráiste tí in oirthear Bhéal Feirste.
Tá an t-íospartach ainmnithe mar Rachel Simpson, 43 bliain d'aois.
Tá fear amháin gafa ar amhras faoi dhúnmharú.
Dúirt an Bleachtaire Príomhchigire Neil McGuinness: “Agus é ag freagairt imní faoi shábháilteacht ag teach i gceantar Bhóthar an Chaisleáin Riabhaigh go gairid tar éis 10:30pm Dé hAoine 13 Meán Fómhair, d'aimsigh oifigigh corp Rachel i ngaráiste in aice leis an áitreabh.”
Dúirt an tUasal McGuiness gur gabhadh fear, 21 bliain d'aois, ar an láthair ar amhras dúnmharaithe agus go bhfuil sé fós faoi choimeád na bpóilíní.
Déanfar scrúdú iarbháis chun cúis an bháis a fháil amach.
Fanann oifigigh an PSNI ar an láthair de réir mar a leanann an t-imscrúdú ar aghaidh.
Tá achomharc á dhéanamh ag an Uasal McGuiness ar aon duine a thug faoi deara aon rud amhrasach sa cheantar idir 5pm agus 10:30pm, nó a bhfuil píosaí scannáin CCTV nó dashcam acu, dul i dteagmháil le bleachtairí.
