Taoiseach le freastal ar Chruinniú Mullaigh Chomhairle na Breataine-na hÉireann
![](https://img.rasset.ie/0020775b-1600.jpg)
Tá an Taoiseach le freastal ar chruinniú mullaigh Chomhairle na Breataine-na hÉireann (BIC) ar Oileán Mhanann, atá ag díriú ar fhuinneamh in-athnuaite.
Dúirt Simon Harris go bhfuil tábhacht ar leith leis an gcruinniú mar gurb é an chéad chruinniú mullaigh ó 2021 a mbeidh ionadaíocht ag Céad-Aire agus LeasChéad-Airí Thuaisceart Éireann.
Tá an tUasal Harris agus an tAire Tithíochta Darragh O'Brien mar ionadaí don Rialtas ag an gcruinniú mullaigh débhliantúil, ar a mbeidh toscaireachtaí ó rialtas na Breataine, Thuaisceart Éireann, na Breataine Bige, Albain agus Oileáin Mhuir nIocht i láthair freisin.
Pléifidh na toscairí bealaí chun deiseanna eacnamaíocha agus sóisialta na n-fhuinneamh in-athnuaite a oscailt ar fud na n-oileán seo.
Bunaíodh an BIC i mí na Nollag 1999 mar chuid de Chomhaontú Aoine an Chéasta 1998 “chun forbairt chomhchuí agus chomhthairbheach iomlán na gcaidreamh i measc phobail na n-oileán seo a chur chun cinn”.
Tá an BIC ag ceiliúradh 25 bliain ar an bhfód i mbliana.
Ag labhairt dó roimh an gcruinniú mullaigh, dúirt Príomh-Aire Oileán Mhanann Alfred Cannan MHK: “Tá áthas orm fáilte a chur roimh ár gcairde ó Chomhairle na Breataine-na hÉireann chuig an oileán.
“Tá sé de dhualgas ar gach ball den BIC an cruinniú mullaigh a óstáil, ar a seal, agus is mian le hOileán Mhanann a pháirt a ghlacadh, agus cur leis na cainteanna a chuidigh le tacú leis an bpróiseas síochána agus leis an gcomhoibriú idir baill uile an BIC. .”