Tá cóitseálaí spóirt curtha ar a thriail agus é cúisithe as éigniú agus ionsaí mígheanasach a dhéanamh ar chailín sna déaga i 1989 agus 1990.
Tá an fear, atá 78 bliain d’aois anois, cúisithe as comhaireamh amháin d’éigniú agus 15 chúis d’ionsaí mígheanasach ar an gcailín a bhí 13 agus 14 bliana d’aois ag an am.
Líomhnaítear gur tharla na cionta i scoil i gCúige Laighean.
Séanann an fear na líomhaintí go léir.
Chuala an giúiré gur thug an fear an cailín go seomra taoibh roinnt uaireanta mar ar d'ionsaigh sé go mígheanasach í agus é ag ceapadh go raibh sé ag déanamh tomhais.
Uair amháin, líomhnaítear gur éignigh sé í.
Táthar ag súil go mairfidh an triail timpeall seachtaine.
Ní féidir an fear a ainmniú mar go bhfuil sé cúisithe as éigniú agus chun céannacht an ghearánaigh sa chás a chosaint.
Thug an Breitheamh Melanie Greally rabhadh do ghiúróirí na Príomh-Chúirte Coiriúla cinneadh a dhéanamh ar an gcás ar bhonn na fianaise a éisteann siad sa chúirt amháin.
Dúirt sí nár cheart dóibh an cás a phlé le haon duine ná aon chuardach idirlín a dhéanamh ar an gcás.
