Tá beart stailce ó innealtóirí, atá ina mbaill den cheardchumann Connect, a bhí le bheith ar siúl amárach ag ionad sonraí Meta i gCluain Aodha, Co na Mí curtha siar.
Dúirt Connect go bhfuil cinneadh déanta acu an t-aighneas a chur faoi bhráid na Cúirte Oibreachais.
Chuir an ceardchumann i leith na cuideachta as athruithe aontaobhacha a fhorchur ar théarmaí agus coinníollacha a chomhaltaí trí phatrúin seala nua a thabhairt isteach a fhágfaidh go n-oibreoidh siad níos mó sealanna deireadh seachtaine agus oíche.
Tá sé ráite ag Connect gur tugadh isteach timthriall seala ceithre seachtaine nua ainneoin nár aontaigh a chomhaltaí agus gan breithniú á dhéanamh ar na frith-mholtaí.
Tá sé ráite ag Meta go bhfuil baint ag an aighneas le grúpa beag fostaithe ar iarradh orthu patrún sealaithe nua a chur i bhfeidhm i mí na Bealtaine.
Dúirt an chuideachta go bhfuil siad i gcomhairle go díreach leis na fostaithe le sé mhí anuas chun an t-athrú a phlé agus bealaí a chomhaontú ina ndéanfaí a bpacáiste cúitimh agus sochair a choigeartú chun an t-athrú a léiriú.
Bhí innealtóirí Connect ag ionad sonraí Chluain Aodha le tabhairt faoi stad oibre 24 uair amárach.
“I gcomhar lenár gcomhaltaí tá cinneadh déanta againn an beart atá beartaithe a chur siar agus ina ionad sin atreorú a dhéanamh chuig an gCúirt Oibreachais faoi Alt 20 den Acht Caidrimh Thionscail 1990, a bhfuil an toradh ina cheangal ar ár gceardchumann,” a dúirt an tArd-Rúnaí Cúnta Connect, Brian Ó Nualláin.
“Caithfidh muid a bheith soiléir, baineann an t-aighneas seo le teip Meta dul i mbun oibre faoi choimirce innealra caidrimh thionsclaíoch Stát na hÉireann chun ábhair imní mhór dár mbaill a réiteach, is é sin athrú aontaobhach ar a dtéarmaí agus a gcoinníollacha fostaíochta.”
“Tá an t-aighneas tar éis éirí níos casta freisin toisc go bhfuil ionadaíocht ag Meta ní hamháin ag IBEC, ach tá uachtaránacht na heagraíochta sin acu freisin,” a dúirt an tUasal Nolan.
Chuir Connect i leith Meta go ndeachaigh sé i mbun tactics 'busting ceardchumainn' trí bhagairt a thabhairt d'oibrithe go ndéanfaí a gcuid post a fhoinsiú allamuigh.
Dhiúltaigh Meta dó seo, ag rá gur cuireadh in iúl go soiléir do na hoibrithe nach raibh sé ar intinn acu na róil a fhoinsiú allamuigh.
