Vótálfaidh an Dáil ar thuarascáil deiridh an Chomhchoiste Oireachtais um Fháil Cuidithe tráthnóna inniu.
Tar éis míonna d’éisteachtaí, d’iarr an Coiste i mí an Mhárta seo caite ar an Rialtas bás cuidithe a dhéanamh dleathach in imthosca srianta áirithe.
Thacaigh naonúr de na 14 chomhalta coiste leis an moladh, ach d'eisigh triúr eile tuarascáil easaontach ag cur in aghaidh a leithéid de bhearta.
Is é téacs tairiscint an tráthnóna seo ná: “Go dtabharfaidh Dáil Éireann dá haire an Tuarascáil ón gComhchoiste um Fháil Cuidithe d’Fháil dar teideal: ‘Tuarascáil Deiridh an Chomhchoiste um Fháil Cuidithe’; ar leagadh cóipeanna di faoi bhráid Dháil Éireann an 21 Márta. 2024.”
I gcás roinnt teachtaí, ciallaíonn an teanga neodrach agus an tuarascáil á tabhairt faoi deara nach bhfuiltear ag iarraidh ar chomhaltaí tuairim a thabhairt ar an ábhar conspóideach per se.
Deir daoine eile, áfach, go dtabharfaidh an vóta le fios cén leibhéal tacaíochta atá ag tuarascáil tromlaigh an Choiste i measc na dteachtaí.
Ní athróidh vóta na hoíche seo tada, mar go mbeadh gá le reachtaíocht shubstaintiúil.
Dúirt an Tánaiste Micheál Martin go bhfuil amhras mór aige faoin méid a bhí molta ag tromlach an Choiste um Fháil Cuidithe.
D'iarr an TD People Before Profit Gino Kenny, a bhí ar an gCoiste, go gcuirfí an tuarascáil i bhfeidhm ina hiomláine.
