Tá fear 31 bliain d'aois cúisithe i ndúnmharú tar éis bhás fir 58 bliain d'aois i gCo Mhaigh Eo oíche Dé Céadaoin seo caite.
Tugadh Liam O'Leary, nach bhfuil aon áit chónaithe aige, os comhair Chúirt Dúiche Chaisleán an Bharraigh inniu.
Dúirt an Bleachtaire-Sháirsint Hugh O'Donnell leis an gCúirt gur ghabh sé an cúisí i Stáisiún na nGardaí i mBéal an Átha tráthnóna inniu agus é cúisithe i ndúnmharú John Casserly.
Ní thug an tUasal O'Leary freagra ar bith nuair a tugadh rabhadh dó.
Mar gheall ar nádúr an mhuirir ní dhearnadh aon iarratas ar bhannaí.
Athchuireadh an cúisí faoi choimeád chun láithriú os comhair suí de Chúirt Dúiche Bhaile Hearadh an tseachtain seo chugainn.
Dúirt an t-aturnae cosanta, Gary Mulchrone, go raibh a chliant ina iarrthóir oiriúnach do chúnamh dlíthiúil, mar nach raibh sé ag obair agus ag fáil leasa shóisialaigh.
D’aontaigh an Breitheamh Fiona Lydon leis an iarratas. Thug sí faoi deara freisin iarratas go gcuirfí cóir leighis chuí – lena n-áirítear aon chúram síciatrach riachtanach – ar fáil don Uasal O'Leary le linn a thréimhse faoi choimeád.
D'iarr an tUasal Mulchrone freisin go leathnófaí an deimhniú um chúnamh dlíthiúil chun meastóireacht shíciatrach ar a chliant a chlúdach, rud a dúirt sé a bheadh ag teastáil in am trátha.
Tá an cúisí le teacht ar ais sa chúirt Dé hAoine seo chugainn.
