Tá sé aontaithe ag an gCóiré Theas a margadh a oscailt do mhairteoil na hÉireann den chéad uair.
Tagann an fhorbairt tar éis dian-idirbheartaíocht idir údaráis na Cóiré agus an Roinn Talmhaíochta, Bia agus Mara, lena n-áirítear cuairt ar an gCóiré Theas ón Aire Talmhaíochta Charlie McConalogue mar chuid de mhisean trádála anuraidh.
“Ainmníodh an Chóiré Theas mar mhargadh tosaíochta do rochtain na hÉireann do mhairteoil na hÉireann agus tá mo Roinnse gníomhach ag saothrú an chuspóra seo le blianta fada anuas.
“Do mhairteoil, tá an doras oscailte anois agus tá fíordheis ann don tionscal tógáil air,” a dúirt an tAire McConalogue.
“Agus daonra os cionn 50 milliún duine ann, tá acmhainn ollmhór ann d’onnmhaireoirí Agraibhia na hÉireann a lorg a mhéadú i margadh sofaisticiúil na Cóiré,” a dúirt sé.
Deimhníodh an scéala gur osclaíodh onnmhairí chuig tír na hÁise níos luaithe inniu agus tar éis iniúchadh a rinne údaráis na Cóiré ar mhonarchana mairteola na hÉireann an mhí seo caite. Fuair seacht monarcha Éireannach faomhadh ó údaráis na Cóiré lena n-áirítear Dawn Meats, Kepak, ABP Slaney Foods agus Liffey Meats.
Anuraidh b'fhiú €2.7 billiún onnmhairí mairteola na hÉireann, agus chuaigh breis agus leath de sin chuig an RA.
Chuaigh 48% san iomlán chuig tíortha an AE agus níor onnmhairíodh ach 5% nó €128 milliún go tríú tíortha eile, lena n-áirítear SAM, Ceanada, an tSín, an tSeapáin agus na hOileáin Fhilipíneacha.
Déanann an Chóiré Theas táirgí déiríochta, bia mara agus muiceola a allmhairiú ó Éirinn cheana féin, trádáil arbh fhiú €47 milliún é anuraidh.
