Cluiche iománaíochta Faoi 15 Phort Láirge ar lár tar éis troid
![](https://img.rasset.ie/000804a0-1600.jpg)
Tá fiosrúchán ar bun ag gardaí tar éis do chluiche ceannais iomána faoi 15 a bheith tréigthe tar éis troid i gcoinne imreoirí, meantóirí agus lucht tacaíochta.
Táthar ag súil anois go ndéanfaidh CLG Phort Láirge agus Bord na nÓg fiosrúchán ar chluiche craobhchomórtais Roinn 1 a bhain le Baile Gunnair agus Na Risigh i Sliabh Sion tráthnóna inné.
Creidtear gur cuireadh deireadh leis an gcluiche mar gheall ar chorraíl a bhain meantóirí agus lucht féachana a chuaigh isteach go dtí limistéar imeartha na páirce.
Tá píosaí scannáin den eachtra scaipthe go forleathan ar na meáin shóisialta a thaispeánann an troid ba chúis le réiteoir an chluiche a thréigean.
Beidh Bord na nÓg Port Lairge ag fanacht anois ar thuarascáil na réiteoirí, a leagfaidh amach gan dabht sonraí na heachtra a chuir iallach air an cluiche a thréigean.
I ráiteas, thug CLG Phort Láirge le fios nach bhfuil siad in ann aghaidh a thabhairt ar an scéal faoi láthair.
“Ní bheidh CLG Phort Láirge agus Bord na nÓg in ann trácht a dhéanamh ar an gcluiche atá i gceist go dtí go mbeidh tuairisc an réiteora faighte agus an próiseas curtha i gcrích.”
Creidtear freisin go bhfuil gardaí i bPort Láirge ag fiosrú ionsaí líomhnaithe ag an gcluiche le linn na heachtra a tharla sa dara leath.
Tá sé deimhnithe ag Gardaí go bhfuil an gearán agus an méid a tharla le linn na heachtra á fhiosrú go gníomhach acu.