News
Cuardach a atosú tar éis don bhuachaill titim as Aillte an Mhothair
![](https://img.rasset.ie/000fb068-1600.jpg)
Tá oibríocht chuardaigh le tosú arís tar éis do bhuachaill óg titim as Aillte an Mhothair i gCo an Chláir Dé Luain.
Tuigtear gur scar an buachaill, a bhí ar saoire in Éirinn lena theaghlach, uathu.
Thosaigh an oibríocht chuardaigh nuair a ardaíodh an t-aláram.
Dúirt urlabhraí don Roinn Iompair go bhfuil Ionad Comhordaithe Tarrthála an Gharda Cósta i nDairbhre ag cuidiú le hAonad Garda Cósta Dhúlainn agus héileacaptar an Gharda Cósta R115.
D'fhill criúnna tarrthála an Gharda Cósta ar an gcladach tráthnóna inné mar a dúradh nach raibh an aimsir oiriúnach le scamall íseal sa cheantar.
Bhí cinneadh le déanamh maidir le cathain a thosódh an cuardach nuair a tháinig feabhas ar na coinníollacha.