Cuireadh triail abhcóide dúnmharaithe ar atráth go dtí mí Dheireadh Fómhair
![](https://img.rasset.ie/0020558b-1600.jpg)
Tá triail abhcóide sinsearach atá cúisithe i ndúnmharú fear i lámhach ar fheirm i mBaile Átha Cliath curtha ar atráth go dtí mí Dheireadh Fómhair.
Tá Diarmuid Rossa Phelan, 54 bliain d’aois, as Lána Chill Dalua, Tamhlacht i mBaile Átha Cliath, cúisithe i ndúnmharú Keith Conlon ag Feirm Hazelgrove ar Lána Chill Talúin ar an 22 Feabhra 2022.
Gortaíodh an tUasal Conlon, a bhí 36, go dona i lámhach ar an bhfeirm agus fuair sé bás san ospidéal dhá lá ina dhiaidh sin.
Bhí triail an Uasail Phelan, ollamh dlí agus abhcóide sinsearach, le tosú inniu.
Chuala an Phríomh-Chúirt Choiriúil, áfach, go raibh fadhb ann le tuarascáil ó shaineolaithe nach bhféadfaí a réiteach láithreach.
Dúirt an Breitheamh Siobhan Lankford, le “drogall mór”, go gcuirfeadh sí an triail ar atráth, atá le maireachtáil ceithre seachtaine ar a laghad, go dtí mí Dheireadh Fómhair.
Beidh sé luaite sa chúirt i mí Iúil féachaint cén dul chun cinn atá déanta.