Tá sé ráite ag an Taoiseach go bhfuil sé ag cloí leis an ngealltanas a thug sé nuair a chuaigh sé i mbun oifige go gcríochnódh an Rialtas a théarma iomlán.
Ach ag tabhairt aghaidh ar dhinnéar Uachtarán Ibec i mBaile Átha Cliath anocht, dúirt Simon Harris “nach bhfuil sé sin ar fad chomh fada sin ar shiúl”.
Tagann a chuid tuairimí i measc tuairimíocht mhéadaitheach faoi uainiú an chéad olltoghcháin eile.
Dúirt an tUasal Harris leis an lucht éisteachta gurb é inniu an 150ú lá aige sa phost agus gheall sé go n-oibreodh sé chomh dian agus a d’fhéadfadh sé gach lá mar Thaoiseach.
Dúirt sé nuair a thiocfaidh an toghchán go mbeidh rogha lom ag daoine.
“Pragmatachas, choinníonn. Dóchas nó hopelessness. Aontacht agus a chur ar an ghualainn chun an roth agus ag obair le daoine, nó iad a roinnt, an amach leis an briogáid ceann gach uair a bhfuil géarchéim,” a dúirt sé.
Dúirt an tUasal Harris nach bhfuil aon dabht ach go bhfuil dúshláin roimh an tír ach gur féidir deireadh a chur leis na bacainní a bheith ag obair le chéile.
Tá an tuairimíocht go bhféadfadh an t-olltoghchán a bheith ar siúl sna laethanta agus sna seachtainí i ndiaidh an Bhuiséid an 1 Deireadh Fómhair ag dul i dtreise le seachtainí beaga anuas, de réir mar a mhéadaíonn ionchais maidir le buiséad “tairgeadh”.
Ag freagairt do na tuairimí dúirt urlabhraí do Shinn Féin go bhfuil an chuma ar an scéal go bhfuil an tUasal Harris “ar intinn níos mó ar ghiotaí fuaime agus tuairimíocht ná díriú ar dhul i ngleic leis an iliomad fadhbanna atá cruthaithe ag Fine Gael le 13 bliana sa rialtas”.
Dúirt an t-urlabhraí freisin nach socróidh soundbites na géarchéimeanna i dtithíocht, easpa dídine, cúram sláinte agus costais mhaireachtála agus “tá an comhrialtas seo as smaointe agus as an toil pholaitiúil chun rialú a dhéanamh go cothrom nó go héifeachtach”.
Tuairisciú breise Joe Mag Raollaigh
