Tá fear 28 bliain d'aois cúisithe as éigniú agus dúnmharú mná 65 bliain d'aois a fuarthas marbh i nDoire ag an deireadh seachtaine.
Beidh an cúisí le feiceáil sa chúirt sa chathair ar maidin.
Fuarthas Montserrat Martorell, atá seasca agus a cúig, marbh in árasán ar Shráid Harvey sa chathair Dé Sathairn.
Cuireadh na seirbhísí éigeandála ar an eolas faoi dhóiteán sa réadmhaoin. Fuarthas marbh ag an láthair í.
Dúirt na póilíní go raibh Iníon Martorell ina híospartach ar ionsaí uafásach agus gur bhain gortuithe iolracha léi.
Ba ón Spáinn ó dhúchas í.
D'eisigh na póilíní achomharc ar fhaisnéis faoi fhear a chonacthas i gcóngar na maoine go luath maidin Dé Sathairn.
Chomh maith leis an gcúiseamh maidir le dúnmharú agus éigniú, beidh cúiseamh coirloscadh ar an gcúisí freisin le hintinn an saol a chur i mbaol.
