Tá fear gafa maidir le fuadach cairr i gcathair Bhaile Átha Cliath tráthnóna inné, ina raibh leanbh cúig mhí d'aois sa suíochán cúil.
Gabhadh an fear, atá ina 40idí, tráthnóna inniu.
Tá sé á choinneáil ag stáisiún garda i dTuaisceart Bhaile Átha Cliath.
Fuarthas an cailín leanbh i gcúl an Nissan Qashqui ar Chearnóg Mhuinseo slán sábháilte dhá uair an chloig tar éis don charr a bheith tógtha.
Bhí a máthair díreach tar éis éirí as an gcarr nuair a léim fear isteach agus thiomáin leis an leanbh ag thart ar 1.50pm. Ní raibh aithne ag an leanbh ná ag a teaghlach ar an bhfear.
Tiomáineadh an carr síos Cearnóg Mhuinseo agus ar aghaidh go Sráid Dorset.
Tháinig imní ar Ghardaí faoi leas an linbh agus d'eisigh siad foláireamh tarrthála leanaí díreach roimh 4pm.
Cuireadh oibríocht chuardaigh ollmhór ar bun, lena n-áirítear héileacaptar an Gharda Síochána, agus díreach roimh 4.30pm, d'fhógair Gardaí go bhfuarthas an leanbh slán sábháilte.
Tuilleadh le leanúint…
