Ghlac na mílte duine páirt in imeachtaí Darkness into Light roimh breacadh an lae ar maidin, ar fud na tíre agus ar fud an domhain.
Ba i bhfoirm siúlóidí a bhformhór, atá dírithe ar airgead a chruinniú don charthanacht Pieta um fhéinmharú agus féindochar a chosc.
Cuireadh tús le himeachtaí dorchadais díreach tar éis 4am agus bhí ceann de na cinn is mó ar siúl i bPáirc an Fhionnuisce i mBaile Átha Cliath, áit ar shiúil timpeall 10,000 duine an bealach 5 chiliméadar roimh éirí na gréine.
Reáchtáladh caoga a haon siúlóid nua in Éirinn i mbliana, as 180 san iomlán.
Tá sé ráite ag Príomhfheidhmeannach Pieta, Stephanie Manahan, go dtugann imeachtaí Darkness into Light daoine le chéile agus go dtugann siad deis do dhaoine labhairt faoi shláinte mheabhrach.
Ag labhairt di i bPáirc an Fhionnuisce, dúirt sí “níl aon rud in Éirinn na laethanta seo a thugann daoine le chéile… i lár na hoíche agus a thionólann an líon sin agus an dlúthpháirtíocht agus an comhluadar sin lena chéile, mar Darkness into Light. “.
Dúirt Ms Manahan go n-ardaíonn an ócáid feasacht ar mheabhairshláinte agus go gcabhraíonn sé le stiogma an fhéinmharaithe agus an fhéindochair a laghdú.
Dúirt sí go dtéann an t-airgead go léir a thiomsaítear chuig seirbhísí túslíne agus go dtagann breis is 87% de mhaoiniú na carthanachta ó imeachtaí ar nós Darkness into Light.
Tá na siúlóirí anseo ag an líne chríche! #DarknessIntoSolas pic.twitter.com/9bzWvq3zWW
— Joan O'Sullivan (@JoanStories) 11 Bealtaine, 2024
Reáchtáladh imeachtaí Darkness into Light i 14 tír eile freisin, agus dúirt na heagraithe go raibh thart ar 100,000 duine ag glacadh páirte i níos mó ná 230 siúlóid oifigiúil thar cheithre mhór-roinn.
Deir Pieta go bhfuair sé 100,000 glao agus téacs chuig a líne chabhrach géarchéime anuraidh, gur chuir sé beagnach 52,000 uair an chloig teiripe ar fáil agus go bhfaca sé beagnach 7,000 cliant ar fud na tíre.
Deir an carthanas go rachaidh an t-airgead go léir a bhailítear ag imeachtaí an lae inniu chuig seirbhísí túslíne.
