Is é an Taoiseach a bheidh i gceannas ar an ionadaíocht oifigiúil ag Comóradh Náisiúnta an Ghorta Mhóir, a bheidh ar siúl i Meathas Troim i gCo. an Longfoirt.
Tuigtear go ndéanfaidh Simon Harris tagairt don ghorta atá ag titim amach i nGaza mar uirlis chogaidh agus don ghá atá ag Iosrael céim siar agus a chinntiú go sreabhann cúnamh daonnúil gan bhac.
Seo an chéad uair a bheidh Comóradh an Stáit ar siúl i Longfort.
Tabharfaidh an ócáid ómós dóibh siúd go léir a d’fhulaing nó a cailleadh le linn an Ghorta Mhóir agus áireofar ann searmanas leagan bláthfhleasc, ceol, paidreacha cuimhneacháin agus onóracha míleata.
Bainfidh an Taoiseach leas as scéalta briseadh croí i Meathas Troim, cosúil leo siúd i ngach pobal ar fud na tíre.
Tabharfar ómós freisin do Maria Edgeworth, an scríbhneoir clúiteach ar bhunaigh a muintir an baile agus ar scríobhadh a húrscéal deiridh – leabhar do pháistí – chun airgead a bhailiú le haghaidh faoiseamh ó ghorta.
Iarrfaidh an tUasal Harris go gcuirfí ceachtanna an Ghorta Mhóir i bhfeidhm ar fud an domhain inniu, ag obair chun an t-ocras agus an fhulaingt a mhaolú cibé áit a bhfuil sé.
Mar náisiún, labhróidh sé ar an gcaoi a bhfuil sé doiligh do mheon daoine an gorta a fheiceáil ag teacht chun cinn in Gaza mar uirlis chogaidh.
Tuigtear go ndéarfaidh an Taoiseach go bhfuil éileamh soiléir ar Éirinn, ar an bpobal idirnáisiúnta agus ar an dlí idirnáisiúnta go n-imeodh Iosrael siar agus go gcinnteoidh sé sreabhadh gan bhac de chúnamh daonnúil.
Beidh an tAire Turasóireachta, Cultúir, Ealaíon, Gaeltachta, Spóirt agus Meán Catherine Martin i láthair ag searmanas inniu freisin.
Tuigtear go ndéanfaidh sí tagairt freisin don choimhlint idirnáisiúnta agus don bhac ar chabhair dhaonnúil as a dtagann an t-ocras.
Beidh craoladh beo ar an searmanas ar fáil ar Chainéal Nuacht RTÉ agus ar RTÉ.ie, ag tosú ag meán lae
